मन जित्ने गीतकार
इजरायलको प्रवास परदेशको यो यात्रा सँगै हिड्ने साथीहरुमा सुनिल सङ्गम सँगको भेटले यहाँको साहित्यिक गतिविधिलाई यौटा जीवन र उर्जा दियो । हाम्रो कलम यात्राको कोसेढुङ्गो बन्यो हाम्रो भेट । त्यही भेटघाटको सेरोफेरोले अन्तर्राष्ट्रिय नेपाली साहित्य समाज इजरायलको जन्म भयो । यौटा साहित्यिक सर्कललाई सधैं जीवन्त राख्ने व्यक्तित्व सुनिल सङ्गम नै हुनुहुन्थ्यो ।
विरानो मुलुक दिनभर व्यस्तताले गाँजे पनि बाँकी रहेका कैयौं रातहरु वहाँले साहित्यिक संस्थाको स्थापना र सम्वद्र्धनमा लगाउनु भएको छ । यसरी नेपाल्ाी भाषा साहित्यको उन्नयन र श्रीवृद्धिका लागि सधैं दिलो ज्यान दिएर निरन्तर लागि पर्ने गीतकार सुनिल सङ्गमको गीतसङ्ग्रह यतिखेर हामी माझ आइपुगेको छ ।
गीतकार सुनिल सङ्गमसँगको परिचय लामो होइन यद्यपि उहाँका सिर्जनाहरुसँगको सामिप्यता वर्षौ जस्तो लाग्छ । भावहरुको सघन गहिराइ वहाँका प्रत्येक रचनाका विशेषता हुन् । त्यसबाहेक साहित्य कर्मप्रतिको समर्पण साहित्यिक जागरुकता र असल नेतृत्व क्षमता वहाँका वैयक्तिक विशेषता हुन् ।
सुनिल सङ्गमका धेरै गीतहरु संगीतवद्ध भइसकेका छन् । नेपाली साचार माध्यमले वहाँका सुमधुर गीतहरु दशकौंदेखि बजाइरहेका छन् । यौटा अति नै मार्मिक ह्दयस्पर्शी गीत जुन इजरायलको कुनै साहित्यिक कार्यक्रमको उद्घाटनको क्रममा गुिाजएको थियो-
थोपा-थोपा रगतमा तिम्रै माया सल्बलाउँछ
तिम्रो छोरो हेर आमा ममताको गीत गाउँछ
ममतामयी आमाको वियोगमा रचिएको यो गीत सुनिसकेपछि आँखा नरसाउने कमै थिए होलान् । आज म एकैसाथ धेरै उत्साही हर्षित र भावुक भएको छु कि रगतका प्रत्येक थोपा-थोपामा मातृत्व भावको प्रेम र स्नेह सल्बलाउने यही गीतको शीर्षकमा वहाँको गीतसङ्ग्रह पुस्तकका रुपमा आउँदै छ ।
गीतसङ्ग्रह को यो पाइला वहाँको एउटा सङ्ग्रहणीय र उल्लेख्य कृति बन्ने छ वहाँका गीतहरुको गहनता र मिठास अनुभूत गरेपछि यस्तो लाग्छ ती सबै प्रेम र आत्मियताका आभाषहरु हुन । यसबाहेक वहाँले नेपाली साहित्यमा विशेषगरी इजरायलको प्रवासमा धेरै योगदान दिनुभएको छ । त्यसका अगाडि यो सङ्ग्रह केवल यौटा सानो झिल्का मात्र हो । अन्तर्राष्ट्रिय नेपाली साहित्य समाज इजरायलको अध्यक्षको हैसियतले होस् वा मेरो नेपाल द्वैमासिक पत्रिकाको प्रधानसम्पादक या अनेसासकै केन्द्रीय प्रकाशन अन्तदृ्रष्टिको सम्पादकको हैसियतले वहाँले गीत सङ्गीतको मात्र नभई समग्र नेपाली साहित्यको उत्थानका लागि गर्नुभएको योगदान हामीले कहिल्यै भुल्ने छैनौ । रातदिन नभनी साहित्य र साहित्यकर्मलाई आफ्नो अमूल्य समय खर्चेर वहाँले लगाउन भएको गुन हाम्रो नेपाली प्रवासले कहिल्यै भुल्ने छैन । यसर्थ पनि उहाँप्रति मेरो मन सधैँ प्रसंशाले भरिन्छ ।
प्रेम वियोग सौन्दर्य राष्ट्रभक्ति वा दर्शन भावका विविध आयाम र पाटोहरु छन् वहाँका गीतहरुमा । मिठासपूर्ण ललित अभिव्यक्तिका ६७ वटा सुन्दर गीतहरुले सजिएको यो सङ्ग्रह थोपा थोपाले साहित्यको लयात्मक विधा गीत सङ्गीतका पारखी जो कसैको मन पक्कै पनि जित्नेछ जसरी मेरो जितेको छ ।
कृष्णपक्ष
