क्रमश सड़क गल्ली चोक बल्न थाल्यो
हिजै जस्तो फेरि सबै थोक बल्न थाल्यो
खंड खंड हुन्छु भन्छ गणतंत्र नया नेपाल
सांध बार्ने किचलोमा लोक बल्न थाल्यो
दशै कहिले आउला बाबै लालाबाला सोध्न थाले
हर्के दाईको चुल्हो माथी भोक बल्न थाल्यो
कसले कस्तो चित्र कोर्यो रगतको रंग संग
तेह्र हजार आत्मा रोए शोक बल्न थाल्यो
फुसफुसे खरको छानो निति नियम कठै बरा
काजीकै हुकुम आदेश तोक बल्न थाल्यो
क्रमश सड़क गल्ली
Friday
|
कहाली लाग्दो नियति बनेर परदेश बिझेको बेला उसका वर्तमानहरुमा
भो नसोध खै तेरो देश ?
भो नसोध खै तेरो परिचय ?
जापानी होचा पहाड़का गर्तहरुमा
जम्मू कश्मीर, मलायका जंगलहरु र
खाड़ीका ताता वालुवा
वा अफगानिस्तानका मरुभूमिहरुमा
उसले आफुलाई कतै हराएको धेरै भैसक्यो
गोरखाको परिचय कोर्दै भूगोलको कुनाकुना
जंगल जंगल क्याम्प राखेर बहादुरी देखाउने
म त्यही लाहुरे प्रतिनिधि
जो इतिहास लेख्दै मरुभूमि र जंगलहरुमा
राष्ट्रीयताको परिभाषा खोजिरहेछ ।
क्रमश....
( Hide )
Subscribe to:
Post Comments (Atom)
चोटिलो व्यंग्य, समय सान्दर्भिक छ कृष्ण जी,
ReplyDeleteतपाई त आजकल राजनीतिक ग़ज़ल पो धेरै लेख्न थाल्नु भयो त!
ReplyDeleteकसले कस्तो चित्र कोर्यो रगतको रंग संग
ReplyDeleteतेह्र हजार आत्मा रोए शोक बल्न थाल्यो
malai ta sarhai man paryo ho krishna jee yo sher
प्रतिभा आशमा र दिनेशजी लाइ धेरै धेरै धन्यवाद कमेन्टको लागि धेरै धेरै धन्यवाद ! हो दिनेश जी मलाई नि अहिले तपाइले भने पछि यही शेर अली बढ़ी नै मन परयो ।
ReplyDelete