हातको मैला सनको थैला के गर्नु धनले
साग र सिस्नु खाएको वेश आनन्दी मनले
आज धेरै मुनाहरु यसो भन्दैनन, समय बदलिएको छ । समयसंगै मुना मदन र ल्हासाहरु बद्लिई रहेका छन । नेपाली साहित्यका चम्किला तारा महाकवि लक्ष्मी प्रसाद देवकोटाको यो वर्ष सैयौं जन्मजयन्ति परेको छ । लक्ष्मी पुजाको साँझ हामीले सय दियोहरु बालेर उनको सम्झना गर्यौं ।
प्रवास अनि व्यस्तता ...। हामी मध्ये उस्तो साहित्यकर्मी वा श्रष्टा त कोही पनि छैनौं होला शायद , तथापि नेपाली भाषा साहित्य कला र संस्कृतिसंगको आत्मियताले जानेर वा नजानेर धेरै मनहरुलाई यो प्रवासमा कवि बनाएको छ, कथाकार बनाएको छ र फुर्सद हुने बित्तिकै आफ्नो भावनाहरु, पीडाहरु पोख्न घर सम्झेर केहि लेख्न उत्प्रेरित गरेको छ । अनि यस्तै मन मिल्ने केहि मनहरुको यौटा मण्डली तयार भएको छ जसलाई हामीले साहित्य समाज भनेर नाम राखेका छौं ।
देवकोटा शतवार्षिकीको यो विशेष अवसरमा अन्य कुनै पनि संघ संस्थासंग आवद्ध नरही आफ्नै साहित्यिक पत्रिका निकाल्ने सपना पनि पुरा गरेका छौं । अर्थात हामीले "मेरो नेपाल" को प्रारम्भ गर्यौं। मेरो नेपालको प्रकाशन संगै अनेकौं प्रश्नहरु उठे । हो, हामीमा पत्रिका किनेर पढ्ने बानीको विकास भएको छैन, हामी मनोरंजन, रेष्टुरेन्ट, फेशन वा डिस्कोमा आँखा चिम्लेर जति पनि खर्च गर्न तयार छौं तर पुस्तक वा पत्रिकाका लागि सानो अंश पनि छुट्याउदैनौं । यसर्थ यो ठाउँमा पत्रिका प्रकाशनको हाम्रो रहर व्यवसायिक हिसाबले पक्कै उपयुक्त छैन । यहीं नै एनआरएन इजरायलको विगत एक बर्ष देखि प्रकाशित हुदै आइरहेको "नेपाल चौतारी" यसको ज्वलन्त उदाहरण हो ।
तर साहित्य समाज व्यवसाय गर्दैन, हामी प्रवासमा रहेका नेपालीहरुमा एउटा विशुद्द नेपाली भाषाको पत्रिका पस्कन चाहन्थ्यौं, जसले हामीमा आफ्नो देश भाषा र साहित्यप्रति प्रेमको संचार गरोस, हाम्रा भावना, बिचार र आवाजहरु प्रसारण गरोस, जसले नेपाली जातीय एकताको शंखघोष गरोस !
देवकोटा शतवार्षिकी मनाउने क्रमको त्रिदिवसीय कार्यक्रममा सरिक भै समभाव बाड्नु हुने नेपाली दुतावास इजरायलका उपप्रमुख श्री मुक्तिनाथ भट्ट, सचिव श्री विष्णु गौतम तथा थान प्रसाद शर्मा एन आर एन इजरायलका अध्यक्ष भुवनसिंह कुँवर, कानुनविद श्याम रोक्का, तथा अन्य संघ संस्थाका प्रतिनिधिहरु साथै पत्रिका प्रकाशनका लागि सधै हौसला र प्रेरणा दिनु हुने महामहिम राजदूत वैजनाथ थपलिया प्रति हार्दिक आभार व्यक्त गर्दै देवकोटा शतवार्षिकीको यो एतिहासिक घडीमा "मेरो नेपाल" लोकार्पण गर्न पाएकोमा यो ब्लगरले यसपालिको तिहार धेरै खुसीको महशुश गर्यो, भलै यसका लागि उसले कैयौं रात र निन्द्राहरु माया मार्नु किन नपरेको होस्?
सय दिपहरु धेरैबेर प्रज्वलित भैरहे । हामीलाई लाग्यो यतिको पृथक उज्यालो र झिलिमिली तिहार यो प्रवासमा यसरी पहिले भएको थिएन । यो उज्यालो ज्ञानको उज्यालो बनोस , चेतना र सिर्जनाको उज्यालो बनोस । लक्ष्मी तिम्रा सम्झना र श्रद्धाका दिपहरु हाम्रो मन मस्तिष्कमा सधै सधैं बलि राखोस ।
मुना फेरिए, मदन फेरिए, फेरियो जमाना ।
ReplyDelete‘मेरो नेपाल’फलोस् फूलोस्, यही छ शुभकामना ।
साह्रै राम्रोसंग मनाउनुभएछ लक्ष्मी जयन्ती! सय दीप प्रज्वलन अत्यन्त सही र प्रतिकात्मक छनौट लाग्यो। पत्रिकाको निरन्तरताको लागि शुभकामना!
ReplyDeleteVery nice krisna sir,i am always visit yours blog.dherai dherai ramro chha jun hajurko sahitayharu jatee pani chhan tapainko post haru heri nai raheko hunchhu tara yo jun saya deep vanera post garnu vayko chha atee nai ramro ani marmik chha.ani jun prabas ma basera yatee ramailo garnu vaneko nai ak dam khusiko kura ho pragatee ramro chha harpal lagirahnu hola yahi chha safalta ko kamana hujur harulai
ReplyDeleteआहा ! पढ्दा मात्रै पनि आनन्द लाग्यो। विना तामझाम र हो-हल्ला तर महाकविको जन्मदिन एकदमै सहि र सार्थक ढंगले मनाउनु भएछ ।
ReplyDeleteपत्रिका प्रकाशनार्थ योगदान गर्ने सबैले महाकविलाई साँचो अर्थमा श्रध्दाञज्ली दिएको महशुस भयो । निरन्तरताको शुभकामना सहित !!!
दिलीप आचार्य ।
अहो! बडो गज्जब कुरा पढ्न पाइयो। मनको धोको नि पुरा गर्नु भो। देवकोटाको शतबार्षिकी पनि मनाउनुभो। एक तीर दुई शिकार भनेझैँ। तपाई र तपाईको साहित्य समाजका प्रतिनिधिहरुको खुशी बोकेर आएको सामुहिक कार्य 'मेरो नेपाल'को आयु लामो र निरन्तर होस्।
ReplyDeleteशुभकामना!
कृष्ण जी, विदेशमा नेपाली पत्रिका पढ्न पाउदा धेरै नै खुसि लाग्छ, यो प्रयास एकदम सह्रानीय छ । तपाईंहरुको "मेरो नेपाल"को सफलताको कामना गर्छु ।
ReplyDeleteविदेशमा भएर पनि यस्ता कार्यक्रमहरु सम्पन्न हुनु पक्कै पनि खुशीको कुरा हो।
ReplyDeleteसाथै पत्रिकाको निरन्तरताको लागि शुभकामना!
मलाई पनि बडा सार्थक लाग्यो तपाईंहरुले महाकविको जन्मजयन्ति मनाउनुभएको काइदा । 'मेरो नेपाल' पत्रिका उध्येश्यमा सफल र निरन्तर रहोस् - शुभकामना !
ReplyDeleteनेपालका साहित्यकार भनाउँदाहरूले र देवकोटाको नाम फलाक्दै हिँड्नेले पनि कतै केहि मनाएको थाहा भएन देवकोटाको शतवार्षिकि । तपाईँहरू पुर्ण रूपले साहित्यिक नहुँदानहुँदै पनि व्यस्तताको बाबजुद प्रवासमा मनाउनुभएको शतवार्षिकि एकदमै अविस्मरणीय र प्रशंसायोग्य छ । यहाँहरू सबैलाई पत्रिकाको सफलताको धेरै धेरै शुभकामना !!
ReplyDeleteदेशको माया सिमानामा पुगेपछि थाहा हुन्छ भन्छन् सायद सहि नै रहेछ । हामी देशैमा बसेर केहि गर्न नसक्ने र उस्तैपरे महाकविको शतवार्षिकिको बारेमा थाहै नपाउने फुस्राहरूको लागि त यो झापड नै भएको छ । अनि पुस्तकको सफलताको शुभकामना पनि है ।
ReplyDeleteसाहित्य समाजको कोसेली 'मेरो नेपाल' देवकोटाको जन्मजयन्ती सँगै तिहार को उज्यालो झुल्कोसँगै झुल्किनु कति हर्षको कुरो ! अत्यन्तै खुसी लाग्यो यो जुटाइ र थालनी देखेर ।
ReplyDeleteरोजगारी र अनेक विवशतामा देश बाहिर छरिएकाहरुको मन यसरी एकै गुच्छा भइदिने हो भने साहित्यिक उन्नयन त हुने नै छ, अभियानमा सहभागी यात्रीहरूले पनि साँच्चै जिउनुको नाममा जीवन-अनुभूति र गर्व सँगाल्नेछन् ।
साहित्य समाज र 'मेरो नेपाल' को सफलता-निरन्तरताको शुभ कामना !
मेरो तर्फबाट पनि हृदयदेखिको सफलताको कामना छ है कृष्णजी !
ReplyDeleteअत्यन्तै राम्रो शुरुवात गर्नु भएकोमा कृष्णपक्षज्यु र साथमा हुनुभएका सम्पूर्ण नेपाली दाजुभाई दिदीबहिनीहरुलाई हार्दिक बधाई र मुरी मुरी प्रशंसा ज्ञापन गर्दछु, स्वीकार गर्नुहोला |
ReplyDeleteमलाई पनि खुब मन पर्यो तपाईहरुको तरिका। जेहोस राम्रो सुरुवात गर्नु भयो। निरन्तरता रहिरहोस है। धेरै दिन पछि बल्गमा आउदा तपाईको बल्लगको रुप पनि परिबर्तन भइ सकेको रहेछ। राम्रो लाग्यो।
ReplyDeleteदूर्जेय जी ले जस्तै मैले पनि तपाइको ब्लग को रुपमा परिवर्तन पाए है सार मा उही भए पनि
ReplyDeleteअनि ब्रो, देवकोटा को साहित्यिक पक्ष् मात्र चर्चा भयो उनको सामाजिक सन्देस पनि त थियो क्यारे ..... !